今夜一丁：天然尤物 晒奶展實力

欲望係人類嘅本能，故此得一想二絕對合乎天性，而出生於英格蘭漢普郡溫徹斯特嘅性感巨乳女模Lucy Pinder亦唔例外。要知道，想喺競爭激烈嘅模特兒界成名，除咗要有五官標致嘅索樣，仲要身材玲瓏浮凸至得，故此唔少模特兒都希望能打造出前凸後趷嘅火辣身材。不過對Lucy Pinder嚟講卻非難事，皆因佢天生擁有一對36G天然巨乳，唔單止夠大又夠激凸，而且渾圓堅挺又結實，加埋纖腰同蜜桃臀，確實係人間難得嘅極品尤物。

不過有趣嘅係，Lucy Pinder當初並冇諗過做模特兒，卻因為佢一個特別喜好而被發掘入行，原來熱愛裸曬嘅佢，有一日喺沙灘進行裸體日光浴，憑住誘人身段而被星探發掘，從此開展模特兒生涯。

雖然Lucy Pinder樣靚身材正，但係出道初期人氣唔高，後來佢為一本著名男士雜誌拍攝半裸寫真而備受注目，工作同演出機會愈來愈多，而為咗令事業更上一層樓，佢決定拍攝一系列大尺度寫真，更憑住水漲船高嘅艷名，經常喺電視節目上以性感形象亮相。

不過阿妹嘅野心唔止咁簡單，其實佢亦有演藝夢，原來自細便經常參加話劇演出嘅佢，一直夢想成為演員，而隨住人氣愈嚟愈高，漸漸唔想再被大家視為性感花瓶。為此佢曾改以中性形象示人，希望能夠參演唔同種類嘅電視劇及電影。不過想一下子改變形象並非易事，為咗能夠等大家見識到佢另一面，近年積極將自己打造成美食及旅遊網紅，頻頻喺IG分享食評及旅遊心得，目的只係想擺脫花瓶之名。

Profile

出生地：英國

身高：165cm

三圍：36G-25-36

社交網站

擁有一對天然巨乳嘅Lucy Pinder，如此火辣身材唔止令男士興奮，女士亦羨慕不已。雖然佢近年努力轉型，但仍然會拍攝性感寫真，對男士嚟講絕對係福音。

網址：https://www.instagram.com/pinderpix

撰文：魂