有性趣：破處後感委屈

早前美國網絡社區論壇Reddit，有位20歲匿名女士發文徵詢網民意見，事緣佢啱啱收到男友嘅短訊後感到相當震驚。自稱係處女嘅佢，跟35歲男友發生第一次，由於過程中令佢感覺疼痛，所以完事後，一直希望得到男友嘅安慰，點知翌朝卻收到對方尖酸嘅短訊，並以列點方式道出3件事：（１）要變得性感，唔好再咁靜，要呻吟同尖叫；（２）要多啲性幻想；（３）下次唔好再表現得咁怕醜，因為唔再係處女，咁會破壞氣氛。該女士稱收到男友嘅短訊後，令佢好傷心，又擔心下次曳曳時做唔到要求咁點算好。唔使問網民嘅反應自然一面倒撐女方，所有人都直指佢男友係渣男，根本唔識得尊重女友又唔體貼。有網民更建議佢回覆男友時，話會搵其他人多啲練習，練好咗再同佢曳曳喎！