有性趣：60歲澳洲鴨王冧客有計

60歲嘅Samuel Hunter，係現時澳洲收入最高嘅男妓之一，因此有鴨王嘅稱號。據佢表示本身從事其他職業，因39歲時發生交通意外，導致要接受20次手術及休養18個月，雖然現已康復，但係仍需要用拐杖行路。從事男妓超過20年嘅佢，坦言光顧佢嘅客人以50歲至70歲為主，而且當中有唔少係殘疾人士。至於成為鴨中之王嘅秘訣，Samuel Hunter稱關鍵在於有使命感，佢表示入行時業界不乏肌肉小鮮肉，而作為中年大叔嘅佢，卻能畀到女士安全感、溫柔及耐性，並且以撫慰對方心靈為目標，亦因為咁，雖然佢嘅服務收費每小時由1千澳元起，相當昂貴，但仍然有唔少女士願意搵佢傾訴，Samuel笑稱曾有位女客人搵佢服務，單係聆聽對方嘅傾訴已超過80分鐘。