今夜一丁：千萬古胴索模 愈剝愈紅

撇開天生膚色嘅問題，喺唔少人眼中膚色愈白就愈靚，否則就唔會有咁多女士追求白皙膚色，因此擁有無瑕白皙肌嘅女士，絕對令人羨慕又妒忌。既然係咁，點解出生於美國賓夕凡尼亞州嘅Abi Ratchford，卻反其道而行，將自己曬得一身健康古胴膚色，仲話膚色愈黑愈好呢？當中嘅原因竟然係同佢嘅人氣有關！

自細就擁有美貌嘅Abi Ratchford，成長經過同一般女生無異，就連家人亦以為佢將來會做返朝九晚五嘅OL工作，然後結婚生仔，平平淡淡咁生活。但其實佢自細便有模特兒夢，更希望有朝一日能夠成為炙手可熱嘅頂級模特兒，因此喺大學最後一年，便膽粗粗走去參加選美比賽，雖然最終未能奪冠，但係佢仍然堅持喺模界成名嘅夢想，及後佢做咗人生一項重大決定，成為圓夢嘅契機。

當時Abi Ratchford開設社交帳號，並分享一輯性感比堅尼照，展露火辣嘅身材同深溝，冇幾耐，就獲得模特兒事務所邀請面試。原來早喺選美比賽時，佢已憑住迷人嘅樣貌及誘人身段，吸引到模特兒公司嘅注意，就係咁，佢便以模特兒身份為多本雜誌拍攝寫真，從此展開模特兒事業。

當時膚色白晳嘅佢，雖然獲得唔少工作機會，並拍過大尺度寫真，但人氣卻只屬一般。為咗能令事業有突破性嘅發展，於是佢搬到洛杉磯居住及工作，卻因為一輯比堅尼寫真，需要佢曬出一身古銅膚色，竟成為佢事業轉捩點！Abi Ratchford坦言冇諗過曬黑皮膚之後，不但工作接踵而嚟，更發現自己曬得愈黑，人氣就愈勁。時至今日，佢嘅IG及Twitter分別擁有911萬及180萬粉絲，名副其實係千萬級別網紅，氣勢如虹呀！

社交網站

擁有魔鬼級身材嘅Abi Ratchford，所影寫真固然性感火辣，近年開設埋OnlyFans帳號嘅佢，更為會員獻上尺度更大嘅誘人寫真，難怪佢嘅吸金力咁強勁啦！

網址：https://www.instagram.com/abigailratchford

Profile

出生地：美國

身高：172cm

三圍：37H-24-36

撰文：魂