有性趣：自由身起三飛

俗語有話「魚唔過塘唔會肥」，AV女優都唔例外，留喺同一間片廠太耐，發展同待遇都好難有重大突破，所以部分女優寧願放棄專屬合約，轉為自由身方式繼續奮鬥，希望可以將事業推上高峰。好似今年23歲嘅天月杏，亦喺最近轉做自由身，結果好快搵到3家AV廠合作，可喜可賀！

喺2020年出道嘅杏妹，起初以星菜子之名成為AV廠million嘅專屬新人，因樣子甜美，又有對飽滿F奶，人氣算唔錯，但去到2022年突然引退，之後改名回歸，仲成為AV廠Fitch同E-BODY嘅雙專屬女優添！早前，天月杏決定脫離專屬女優行列，以自由身女優拍AV，好快獲3家AV廠邀請合作，今個月就有3部新作推出！話時話杏妹喺上次回歸，無論演技、床技都火速進步，而佢話自己一直好想學偶像晶艾莉，嘗試各種重口味題材，呢次轉做自由身女優，相信好快會為AV迷帶嚟更多激情演出！