有性趣：情趣潤滑液Gel頭都得？

情趣潤滑液嘅作用，無非係令身體接觸時變得滑溜過癮，進行活塞運動時更加順暢，只係有情趣潤滑液品牌卻聲稱，其產品嘅用途不止於此，連Gel頭同潤唇都得！係真唔係呀？

據美國潤滑液品牌Uberlube嘅首席醫療顧問Michael Krychman博士表示，該潤滑液不含酒精、麩質及香料等，而且含有維他命E，搽喺身體唔會有黐立立嘅感覺，故此佢並非單純一支潤滑液，仲可以當定形啫喱嚟Gel頭，而且又可以當潤唇膏嚟滋潤雙唇都冇問題，用嚟護膚同防曬都一樣得添！當然具有潤滑效果嘅佢，亦可以作為按摩啫喱，只係講到最神奇嘅功效，係可以淡化手術疤痕喎！不過呢點就真係值得商榷喇！姑勿論呢位博士係咪「王婆賣瓜」，但肯定嘅係創意十足，單係用情趣潤滑液嚟Gel頭已經夠晒噱頭，問題係唔知有冇人會咁做呢？