有性趣：女友愛起鞭點算好？

英國兩性關係專家Jane O'Gorman早前收到一位匿名男士嘅求助信，盼獲指點迷津。呢位男士同一位28歲高層女友拍拖，對方管理超過30名員工嘅部門，同時獲得老闆、客戶及員工嘅尊重，月薪高達6位數字英鎊。不過女友對佢相當苛刻，不但當佢工人咁使，夜晚仲要滿足女方強烈嘅慾望，最近女友更迷上愉虐玩意，買咗手銬、皮鞭等「刑具」招呼男友，並夜夜起鞭。男士稱有晚女友喺公司開完長跑式會議後，一返到屋企就大叫發洩，一邊鬧佢懦弱一邊用鞭鞭佢，跟住又用震棒自娛起嚟！但原來女友以前好溫柔體貼，唔知點解依家會變成咁！Jane O'Gorman表示男士嘅女友明顯係事業型女性，提議男方可以嘗試硬漢啲嚟獲取尊重，又或者與對方分享自己感受，睇對方是否願意作出改變，否則關係難以維持。