有性趣：曳曳繁忙時間

大家最鍾意喺咩時間同另一半曳曳呢？按唔少人嘅作息時間睇，應該係晚上11點至凌晨1點呢段時間，但早前一項由著名安全套品牌針對英國男女行房時間嘅調查卻發現，有25%嘅受訪者最愛喺晚上9點至11點之間曳曳，其次係有10%受訪者鍾意喺晚上7點至晚上9點，而第三多人選擇嘅時間，係有7%受訪者揀喺凌晨1點至清晨5點，跟住就係有6%受訪男女支持嘅早上5點至9點，及中午12點至下午2點呢兩段時間。不過大家要留意，調查同時發現有20%嘅受訪男女，係冇特定時間同另一半曳曳嘅習慣，鍾意幾時做就做，或者係一日曳曳多次。研究人員認為呢個情況，係同男女嘅作適及工作時間有關。不過性學家睇法卻有啲唔同，美國Farzana Khan博士則認為，做晨操對身心更有益。