有性趣：食勻40國男人

37歲澳洲脫星Coco Bae出道3年，喺四仔界十分吃得開，近年更積極經營網紅事業。早前佢喺IG上分享嗒仔心得，自稱曾先後同40個唔同國家嘅男人上過床，當中除咗有美國、加拿大及英國之外，仲有薩爾瓦多、伯利茲、吉布地、洪都拉斯以及泰國等，呢班男人全部都佢去旅行時認識，可謂去到邊食到邊。正因為咁，Coco Bae稱自己相當了解全球嘅性文化，好似阿拉伯同印度嘅男人表現最熱情，巴西男士則隨時隨地都可以尋開心，而俄羅斯男士絕對係床上體力王。不過講到最令Coco Bae滿足嘅男人，非拉丁裔男士莫屬，原因係佢哋無論喺床上定床下都熱情如火，而且床上技巧相當好，最重要係顧及女伴嘅感受。此外，佢又稱會繼續全球獵男之旅，直到真正食勻全世界為止。