有性趣：反向騎乘位危險度No.1

英國國民保健署外科醫生Karan Raj早前接受媒體訪問時表示，雖然性愛體位有好多唔同招式，但有一招卻經常被大家忽略當中嘅危險性，事實上根據英國陰莖折斷事故數據顯示，有半數男士都係因為玩呢招而出事，佢就係反向騎乘位！Karan Raj解釋呢招之所以容易令陰莖折斷，原因在於男女雙方動作唔同步時，兵器容易因滑出體外而被壓斷，而最重要係女方全程背住男方進行，容易因過於忘我而令動作過於激烈，從而增加兵器滑出體外嘅風險。Karan Raj表示曾經見過兵器折斷嘅男士，腫如彎曲嘅矮瓜，情況相當嚴重，為此佢認為如果可以嘅話，應盡量避免玩呢招。