有性趣：人夫搭上女同事

話說呢位自稱已婚30年嘅人夫，早前喺專門分享心事嘅Twitter帳號@Feshhole貼文，講佢公司嚟咗位年輕女同事，因為工作關係，所以佢經常同女方有密切接觸，冇耐女同事發送性感照畀佢，就係咁撻着晒佢嘅慾火，繼而跟女同事上床。事後感到內疚嘅佢，決定跟老婆坦白出軌，結果被老婆趕出家門，唔單止要租旅館住，仲要面臨離婚，令佢相當後悔自己咁坦白！貼文發出後，有人妻留言分享自己早前跟男波士出軌，並打算跟老公坦白，但有網民提醒後果可能同樣會被趕出家門。不過亦有唔少網民質疑事件真實性，覺得呢位人夫冇講清楚，點解女同事會突然發送性感照畀佢，仲話如果唔分享該女同事照片嘅話，名副其實係冇圖冇真相，只係呢番話感覺花生味幾濃囉！