有性趣：巴西美魔女談性爆紅

近年網絡湧現唔少性感女網紅，新人想喺從中突圍而出並唔容易，今年50歲嘅時裝模特兒Ana Paula Oliveira，所憑嘅唔止係美魔女魅力，亦唔係單憑前凸後趷嘅火辣身材以及性感寫真，而係在於佢經常喺網上談情說性嘅大膽作風。作為巴西薄有名氣嘅時裝模特兒，Ana喺年輕時憑住誘人身材及迷人美貌，經常成為時裝及男士雜誌嘅封面女郎，直至上年4月進軍網紅界，主要分享性感自拍照及影片，只係令佢受到網民注意嘅，卻非佢美魔女嘅形象，而係大膽談性嘅風格，經常分享性生活及提出性建議，佢坦言性愛係保持年輕嘅秘訣，更認為追求性高潮，對邊個年齡層嘅女性嚟講都係相當重要。