有性趣：鴨的自我修養

34歲嘅Ben Nordmann喺荷蘭從事網約男妓工作一年，佢嘅女客人年齡由26歲至68歲都有，而佢嘅身份除咗係男妓之外，亦係一名設計師及環保人士，佢覺得男妓工作並冇跟另外兩種工作產生矛盾，而環保理念所產生嘅心態，令佢變得更包容及待人友善。Ben解釋環保理念係要為他人設想，故此每當遇到唔同嘅客人時，佢都會以幫助女性撫平心理及性創傷為目標，例如曾有一位26歲女客人，因為經歷過性虐待，無法向男性敞開心扉，而經佢慰藉之後，從此解開心鎖。Ben又話，除咗女客人，就連性開放嘅夫妻想喺性生活尋求突破，佢亦能提供幫助。除咗心理及生理層面支援外，佢所追求嘅更係一種持續性嘅關係發展。