有性趣：真人動畫 後庭塞故事

來自瑞典嘅46歲女導演Erika Lust，自2004年推出處女執導作《The Good Girl》後，憑住女性主義嘅風格而名聲大噪，喺各個成人影片頒獎禮上屢獲殊榮。而佢最新推出嘅作品搞搞新意思，唔係純粹一部成人影片，而係以一支被女主人遺忘嘅後庭塞為主角嘅真人動畫，片長約7分鐘，故事講一支名叫Bootie Fem嘅粉紅色後庭塞，望住女主人跟男伴曳曳期間，跟其他被遺忘於抽屜中嘅情趣玩具夥伴，回憶起以前伴隨女主人性高潮嘅日子。Erika Lus表示係被日本成人動畫啟發，除咗帶來視覺衝擊外，喺創作上亦有更大空間。至於片中後庭塞嘅自白，佢表示理念嚟自人工智能普及化，覺得未來可能會出現有人性嘅情趣玩具出現。