有性趣：脫星同情出軌人夫

今年31歲嘅匈牙利脫星Shona River，現居於杜拜嘅佢，可謂脫界小富婆，至於佢嘅致富之道，Shona不諱言除咗拍四仔搵快錢外，提供性服務亦係佢最大嘅收入來源。早前佢喺四仔導演Tommie McDonald嘅網絡節目中，被問到點睇自己嘅性服務對象中有6成都係人夫時，佢就對呢班人夫表示同情。Shona解釋最常聽到客人去滾嘅原因，就係自從老婆生咗仔之後，專心照顧小朋友，唔想再有任何親密關係，令夫妻之間冇晒性生活，對男人嚟講傷害好大，為此佢覺得自己嘅工作相當有意義。另外，佢又話呢班客人滿足到自己渴望被愛嘅感覺，喺對方關懷下便猶如女神一樣。究竟佢真心同情對方，定係講風涼話？就真係只有佢自己至知喇！