有性趣：男人最想女人做主動

澳洲兩性關係專家Jana Hocking，經常喺網上為男女解決感情問題以及性生活疑惑，早前佢就收到一位女士嘅電郵，內容係佢想同拍拖冇耐嘅男友上床曳曳，問應該由男方主動提出先，定係自己直接提出交歡要求呢？Jana表示喺傳統觀念上，總覺得由男士主動提出，至能顯出女人嘅矜持，亦有人覺得如果由女方提出嘅話，可能會令男士誤會女友性放蕩。不過佢就指出根據美國一項調查發現，有98%男士希望女方能主動提出交歡，原因係唔想表錯情。Jana表示喺現今嘅男女關係中，女士其實亦有表達自己性需要嘅權利，無理由因為某啲觀念，令自己錯過一次美好床上體驗嘅機會，更何況從數據上顯示，由女士主動開口上床嘅成功率相當高，不過佢亦戴番個頭盔話，當中情況亦要視乎每人嘅價值觀而定喎！