昔日東方有性趣：4大常見性謬誤
青少年嘅性教育固然重要，但對成年人嚟講同樣唔可以忽視，因為有啲你我都以為係正確嘅性知識，原來係謬誤嚟！情趣用品品牌Lovehoney為推動正確性知識，早前透過網絡調查，總結出4個男女最常出現嘅性謬誤。
謬誤1：隨住年齡增長，男人出現勃起功能障礙係正常。專家指縱然有高達70％嘅男士，喺70歲時出現呢個問題，但並唔代表咁係正常嘅生理現象。
謬誤2：如果女性深愛佢嘅伴侶，性愛時唔會覺得疼痛。專家指女性進行交歡時之所以感到疼痛，原因與更年期、疾病、疲勞等都有關係，卻跟愛唔愛冇關。
謬誤3：你會知道自己有冇患性病。醫學家稱部分性病，喺前期時並無明顯徵狀，到發現時已有可能錯過治療最佳時機，所以應該定期檢查身體。
謬誤4：坐廁板會感染性病。專家指性病主要透過體液傳染，病毒甚至無法喺體外存活長時間。
以上謬誤唔知你中咗幾多個呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
