有性趣 ：前脫后親證 男優之苦

現年51歲嘅前脫界天后Lisa Ann，不但有「脫界御用人妻」之稱，更係四仔界首位熟女級脫星。喺2020年引退之後，近年從事體育主持工作，亦鮮有提及關於脫界嘅事。不過早前佢接受媒體訪問，被問到關於四仔男優嘅權益時，坦言見過唔少令人髮指嘅事，更罕有分享佢最難忘嘅一次經歷。話說喺2012年時佢為某套四仔演出期間，片中男優按導演要求，為兵器進行藥物注射以維持雄偉狀態，卻唔小心刺穿靜脈而導致大量出血，對方更係痛苦慘叫！Lisa Ann認為關注男女脫星嘅健康，實在有迫切性。曾經三度復出嘅佢，被問到會否復出時，佢坦言冇咁嘅打算，因現時嘅演藝工作更令佢有滿足感。