有性趣：自製假新聞博出位

成人網紅界競爭激烈，純粹靠索樣、露肉同鹹味，都未必能夠爆紅，之不過有位女網紅以製造假新聞嚟博出位，就真係過分咗啲囉！

21歲澳洲成人網紅Kay Manuel早前上載一段短片，內容講佢有晚飲大咗坐的士返歸，跟司機傾談中，佢提及自己嘅職業時，覺得對方感到興趣，便邀請司機客串演出，跟住將的士駛入一條小巷，然後邊車震邊拍片。Kay表示一夜風流之後，對方仍經常搵佢，只係佢覺得合作一次就夠，所以兩人就冇再見面。而呢條片爆紅冇耐，有網絡文章爆料昆士蘭有的士司機，因拍攝成人影片而被解僱，同時暗指呢單嘢跟Kay有關。有見及此，Kay便急急出嚟澄清，話所謂同的士司機喺小巷車震，只係佢自己亂噏，根本冇呢件事發生。深知一定會被網民鬧爆嘅佢，卻死撐話為咗搵錢佢冇辦法唔製造假新聞，更指喺成人網紅界唔止得佢一個係咁做喎！