有性趣：表明性癖咪怕醜

Jana早前接受媒體訪問時，表示近年收到好多關於對另一半缺乏性趣嘅求助個案，佢認為原因在於男女喺第一次床上發生親密接觸時，已經做錯咗一件事，就係隱瞞自己嘅性癖好。佢解釋每個人都有自己嘅性癖好，有人享受前戲時講調情話語，有人則對某啲事物會特別易產生性慾，亦有人會喺某啲環境下更易動情。不過男女雙方喺初接觸時，總係想表現出體貼對方一面之餘，亦擔心揭露性癖會影響對方對自己嘅觀感，尤其對女性嚟講，更傾向遷就另一半嘅性癖好關係，結果喺同居或婚後令情況惡化。正因為咁嘅緣故，有時當發現另一半原來會偷偷自娛，或偷睇成人影片時，便會大發雷霆，以致關係陷入冰點。