有性趣：妓女剖白男人去滾原因

33歲嘅愛爾蘭裔美國合法妓女兼網紅Alice，原本任職護士，後來嫌工作枯燥，於2015年展開妓女生涯，直至2020年佢不但經營社交頻道，又開設專為性工作者而設嘅商業管理課程，同時為多份報紙撰寫性教育專欄。早前佢喺訪問中被問及男人之所以去滾嘅原因時，佢坦言從佢超過2千名顧客嘅口中，發現大部分男士因唔願意跟伴侶透露自己嘅性癖，先至會去妓院尋歡。佢表示所謂性癖，可能係有絲襪、高踭鞋等戀物癖。由於男士擔心跟另一半表明自己性癖嘅話，可能會引嚟批評，故此羞於跟對方坦白，其中年齡介乎60至80歲嘅男士最為常見，而口密又可滿足到佢哋嘅妓女，正好係佢哋嘅渲洩出口。