有性趣：百萬初夜有着落

23歲巴西性感網紅Julia獲封為「偽處女」，皆因佢上年以1萬美元進行處女膜修復手術，之後開出以2百萬美元出賣二次初夜而引嚟網民熱議。佢表示之所以開出天價，原因係當年嘅第一次感覺太差，所以希望能夠同一個特別嘅男人，再次體驗「第一次」。早前佢接受網媒訪問時透露，自從去年成為熱話後，每日都收到大量粉絲嘅留言，其中有一位報稱嚟自杜拜，名叫Ahmed嘅男子願意出價，並邀請佢到杜拜共度周末，仲反問2百萬美元夠唔夠添！不過，Julia卻稱其實有唔少人願意出更高嘅價錢，佢更反口稱只會為愛而上床，冇人可以用錢買到佢嘅二次初夜喎！究竟佢暗示對方出價低，定係認為真愛無價呢？真係只有佢自己至知喇！