有性趣：誰明巨根男之苦

男人總係想擁有巨型兵器，但有人卻啱啱相反，竟然話情願要正常尺寸嘅兵器，因為巨根令佢喺生活上帶嚟相當多嘅煩惱，佢就係嚟自英國嘅Matt Barr。

今年40歲嘅佢，究竟兵器有幾巨呢？咁就要先睇吓全球男根平均值，長度為5.2吋，圓周為4.6吋，而作為其中一位全球著名巨根男嘅佢，鬆弛下兵器長度為11吋，硬直時則為12吋，而圓周為7.75吋！憑住如此巨鵰，Matt先後參演過《King of the Nerds》、《My Massive Cock》等多套紀錄片。早前佢接受媒體訪問時，透露巨根為佢生活帶嚟唔少苦惱，好似因激凸嘅下體而被禁止參加瑜伽班，又因被指控懷疑下體硬直而被趕出公共泳池等。不過講到最令佢尷尬嘅，卻係一次同女士約會並共度春宵時，唔小心用兵器敲打女方臉龐，估唔到因而令對方腦震盪！Matt坦言曾進行兵器縮細手術，但高達1萬5千英鎊嘅手術費，加上要進行多次手術，並會令兵器留下疤痕而卻步。