有性趣：性愛女神竟然禁慾？

今年33歲嘅佢，喺2015年投身脫星界，至今已經演出超過150套作品，更喺四仔頒獎禮上獲獎無數，人氣高企。早前佢接受網絡節目《Bougie Show》訪問時，就話覺得性愛好無聊，除非係演出四仔，否則私底下係過住連自娛都冇嘅禁慾生活。佢解釋係因為性愛好似交易一樣，倒不如直接演出四仔賺取片酬好過。不過佢補充話，自己並非零性慾，只係等緊Mr. Right嘅出現，就會將慾望釋放。此外，Gia稱自己之所以有咁嘅睇法，亦同佢嘅家族有關，原來佢嘅曾祖母係艷舞女郎，後父係脫衣舞男，家姐同細妹亦係脫衣舞女郎，故此家人相當支持佢從事脫星工作，父親甚至會陪同佢出席四仔頒獎禮添！正因為家人對性愛睇法豁達，令佢產生淡泊性愛觀。