有性趣：防火防盜防細妹

俗語有話「防火防盜防閨密」，但現實中防閨密仲係未夠，仲要防埋細妹，否則就會好似呢個英國家姐咁，畀細妹搭上自己老公都唔知喇！

英國情感專家Jane O'Gorman收到求助信，寫信人自稱係細妹，事件由上年3月開始發生，話說佢家姐同姐夫由美國返回英國度復活節，並住喺佢屋企，當時佢啱啱同丈夫離婚，難免會感到傷心同寂寞。有晚佢行出屋外丟垃圾，點知姐夫跟埋出嚟，兩人就喺垃圾房調情，翌日喺相同地方曳曳咗一個鐘！自此之後，兩人經常互傳裸照，並以文字調情。及至早前家姐同姐夫又嚟英國度假，兩人便再續前緣，雖然肉體上得到滿足，但內心卻感到內疚，為此佢便諮詢應該點做？Jane認為姐夫跟家姐嘅感情關係，係兩人之間嘅問題，而佢應該關注番自己嘅責任，無論係親人或朋友，都唔應該介入對方嘅關係中，更何況姐夫並非一個有承擔嘅人。話說回來，呢種鹹濕姐夫嘅劇情，仲以為AV至有，估唔到喺現實中亦有！