有性趣：四仔界男神之苦

今年35歲嘅Damon，封佢為四仔界男神並非亂噏，皆因佢除咗高大靚仔有型之外，更係前著名單板滑雪運動員兼科技公司嘅老闆，既然係咁，點解會走去拍四仔呢？佢解釋因為發生一次嚴重滑雪意外，導致要退役，令佢嘅人生及經濟陷入低潮，2019年便開始拍四仔搵銀，憑住高顏值及喺滑雪界嘅名氣而成為四仔界男神，但有名有利之後，卻令佢出現感情上嘅困擾。佢認為最困難嘅係同脫星進行一場美妙演出後，返到屋企聽到深愛嘅女友問佢工作點樣時，真係唔知點回答！此外，佢指約會女性亦相當因難，因為當話題講到工作時，若非對方認出自己係四仔男演員身份，佢只會提自己喺科技公司嘅工作。不過有網民認為問題出於佢對男優工作嘅自卑，至會出現呢種心結，唔知大家又點睇呢？