有性趣：丈夫後悔勸妻搵男人

呢位匿名英國人夫早前喺Reddit上發文指，因為結婚19年，個女亦已長大成人並加入皇家空軍，家中生活僅得佢同44歲嘅老婆，日對夜對下慢慢失去激情，於是佢就同老婆提議各自「搵食」，希望令性生活燃起火花。所謂火花其實只係藉口，原來呢個人夫搭上公司嘅女同事，滿心以為打發走老婆之後，可以同情人盡情歡愉，卻估到女同事向佢上司投訴被欺騙感情，結果佢被公司解僱。失業嘅佢發現老婆不但經常喺外面過夜，第二朝更由唔同男人送返屋企。呢個時候佢至發現雖然眼中嘅老婆唔再吸引，但喺其他男人眼中卻相當迷人，最慘係老婆坦言相當享受搵唔同男人曳曳，又唔使離婚嘅生活。貼文一出，網民都認為佢呢頂綠帽係自己攞嚟，抵佢戴一世咁話！