有性趣：「小器」老公有高潮

早前有匿名女網民喺分享心事嘅@Fesshole帳號上，分享佢同「小器」老公結婚17年，從未試過床上零性高潮嘅秘密。佢表示老公嘅兵器雖小，卻每次都會令佢有高潮，而秘密竟在於老公嘅自卑感！佢解釋正因老公太介懷自己嘅兵器長度，所以每次曳曳時總會聆聽佢嘅要求，例如幾時要大力啲同快啲、邊個體位最能擊中佢嘅G點等，所以婚後17年仍然每次曳曳都有高潮。呢個貼文不但獲超過82萬次瀏覽，更有唔少網民認同佢嘅感受。有女網民指一個好男人，總會為伴侶帶嚟無數高潮，亦有女網民羨慕佢有個體貼嘅老公，又有男網民坦言自己雖有大兵器，但因好少聆聽女伴感受而經常被批評。不過有網民卻懷疑貼文嘅真實性，覺得係「小器」男冒充人妻嘅自我安慰文章，唔知大家又點睇呢？