有性趣：女友搭上女人算唔算出軌？

英國有位匿名男士寫信向兩性關係專家Jane O'Gorman求助，指女友身邊有好多女伴，但咪以為只係交遊廣闊閨密多，因為佢每次放工返屋企或出完差回家，都會見到女友同個女伴半裸坐喺梳化睇電視或跳舞，而最過分嘅係女友從來唔覺得同女人愉歡有問題，認為咁樣唔算出軌。男士仲話有次見到女友跟兩個女人喺度卿卿我我，憤怒之下將兩條女趕出屋企，點知反被女友指摘，話唔應該對佢啲朋友咁無禮，只係當男士問女友知唔知嗰兩個女人嘅名字時，女方卻支吾以對。男士表示女友每次事後都會道歉及稱下不為例，卻總係重蹈覆轍。而專家Jane認為出軌就係出軌，根本無男女之分，而佢每次都將出軌對象帶回家，呢種係不能接受嘅侮辱之餘，更係自私及唔成熟嘅表現，所以叫呢位男士要認真考慮自己嘅心理健康，及想要一段點樣嘅情侶關係。