有性趣：澳洲脫星倡免稅

今年31歲嘅佢，早前喺IG發文反擊批評者歧視佢嘅職業，文中稱唔少人認為脫星並非職業，只係喺鏡頭前同男優肉搏，根本唔算係一種工作。佢對呢啲批評表達強烈反對及不滿，因為脫星不但需要納稅，而人氣嘅脫星好似佢咁，仲有OnlyFans嘅成人網紅，所繳交嘅稅款都比一般人多達10倍！Billie坦言脫星嘅實際工作，唔單止喺鏡頭前曳曳咁簡單，當中仲包括行銷、行政、管理等工作，同演藝事業一樣。佢又反問嗰啲批評脫星及成人網紅嘅網民，如果成人演出並非工作嘅話，佢應該免除納稅責任，皆因佢啱啱交咗15萬美元稅款。不過，佢其後又發文補充，稱所謂反擊只係玩笑性質，目的只係想大家明白成人業界人士為演出付出咗唔少。