有性趣：床伴數字真心話

早前喺人氣聊天帳號有位男網民分享咗一個故事，話說佢同女友談論起以前嘅性伴侶時，當對方得悉佢只係曾經同3個女人發生過性關係後，感到相當開心，只係男網民並冇提到自己曾經有20個男伴。呢個貼文一出，即獲得超過86萬次瀏覽，而網民對佢嘅做法有讚有彈，有人指摘佢冇講真話，認為係信任危機，亦有人覺得如果坦白嘅話，後果可以好嚴重，或者女友根本唔係在乎數字，只係純粹想八卦一下。另外有網民懷疑，女友喺同佢一齊之前，可能曾經有幾十個男人，甚至有人懷疑女方早已出軌過多次添！事實上，如果性伴數字太多，真係有可能導致分手㗎！好似25歲嘅美國性感網紅Annie Knight，最近因跟男友坦白，曾喺一年內同約300個男人曳曳後被分手，真係慘慘豬呀！