有性趣：鹹片誤導持久力

究竟床上做幾耐先至算係持久呢？原來喺性學家眼中，男士進行活塞運動5分鐘，已能稱之為持久。不過如果男士將呢個時間放喺網上分享嘅話，卻總會有唔少人走出嚟，自稱能做到多幾倍以上嘅時間。性學家Ben Condon博士認為男士總會吹噓自己嘅性能力，除咗因面子問題外，亦受到成人影片所影響。佢解釋成人影片為咗增強官能刺激，會將男女脫星交歡嘅時間延長，以增加觀賞性，但無疑係誤導觀眾，令男士因為做唔到咁長嘅時間而產生焦慮感。博士指出持久力並非令女士獲得高潮嘅重點，床上嘅配合、情感交流及氣氛等，先至係關注嘅重點。