有性趣：惡心過程揭出軌

通常發現另一半出軌都係透過手機短訊、社交網絡平台等蛛絲馬迹而揭破，只係呢位美國男士得悉女友出軌嘅過程，卻被網民稱為近年聽過嘅出軌故事中最為惡心嘅一個。

早前英國網絡節目《JaackMaate's Happy Hour》收到一位名叫Steve嘅美國男子發現前女友Samantha出軌嘅故事，話說Steve因同女友升讀唔同大學關係，所以當聽到Samantha到費城搵佢時感到非常高興，因此當女友去到佢屋企後，好快就上床曳曳。正當Steve想為女友口愛一番時，卻聞到對方下體有異味，最初以為係冇沖涼緣故，所以喺對方私處搽啲蜜糖嚟掩蓋氣味，但發現唔止有異味，仲流出腐爛味嘅黏液，Steve頂唔順而喊停，並問女方發生乜嘢事。原來Samantha喺入讀佛羅里達州立大學嘅第一個禮拜，就喺一間夜店跟陌生男人發生一夜情，亦因此感染淋病，嚇到Steve即刻去睇醫生，經過幾個星期嘅檢查後，證實並未患上淋病，真係好彩！