有性趣：嗜酒男士胯下出事？

究竟飲酒能否壯雄風及助性呢？關鍵在於「適量」兩個字。早前喺《Medical Journal Armed Forces India》雜誌上發表嘅研究指出，酒精對床上活動具有明顯嘅影響。該研究搵嚟78名年齡20至50歲嘅男士進行調查，而佢哋都有個共通點，就係有每日飲2品脫（約1,136ml）或以上啤酒嘅習慣，結果發現佢哋之中77%有性功能問題，其中有71%嘅屬性快感問題。此外，亦發現有61%男士嘅性慾較低，有44%更出現勃起功能障礙添！參與呢個研究嘅Bhupendra Yadav博士表示，過往嘅調查以為大量而長期攝入酒精，會導致勃起功能障礙及早洩，但呢個研究卻發現，酒精會影響男士整體性功能，而飲得愈多影響會愈大。