有性趣：閨房Q & A

上床曳曳係咪一定要剝晒光豬？親密伴侶係咪幾時想要就要呢？以上種種問題，其實都同性心理有關，為此韓國性愛心理師朴昭鈴所著嘅《性愛心理師的大人親密必修課》，便逐一為大家解答。

關於性心理，唔少人都知道基於尊重原則，但深入了解嘅話，當中內容其實相當廣泛。書中指出性愛關係，其實係人際關係嘅一種，當中內心嘅衝突往往大於身體因素，好似男士總會緊張自己嘅兵器大細、生殖器係咪美觀，以及持久力夠唔夠強等，但喺良好性關係中，呢啲都並非重點，反而點樣達到互相包容、配合及體諒至係箇中重點。此外，書中更會談及當另一半拒絕行房時，並幾乎已達無性婚姻狀態嘅情況下，夫妻應該點樣解決，又如果埋門一腳，男士兵器唔聽使時，應該點樣處理等。憑住貼地嘅內容及專業嘅指導，尤其對陷入性冷感狀態夫妻嚟講，呢本書嘅內容都有相當參考價值。