有性趣：朋友妻咪走雞

憑訪談四仔業界人士嘅網絡訪談節目《Pillow Talk》，而爆紅嘅31歲加拿大男主持Ryan Pownall，最近佢接受一個網絡節目訪問，被主持人問及早前跟25歲嘅性感網紅兼模特兒女友Bri Stern分手原因時，佢雖然冇直接回應，但稱因呢件事同唔少老友絕交。事緣係佢宣布分手消息後冇耐便跟女友復合，有一晚佢問女友喺分手期間有冇狂蜂浪蝶埋身？點知女友話講出真相會令佢好傷心，因而令Ryan更加好奇想知道，於是女友拎手機畀佢睇短訊，卻發現原來全部都係佢啲老友所發嘅約會訊息，約會地點仲係酒店，明眼人一睇就知佢哋想點啦！Ryan坦言已跟呢班老友絕交，仲話反而喺四仔業界認識嘅朋友，冇一位喺得悉分手消息後私約佢女友，呢啲至係真正朋友呀！