昔日東方今夜一丁：磯山沙也加 熟乳再發育
踏入青春期，人嘅身體會發育得特別快，而女仔嘅胸部通常喺8歲開始長大，約18歲就差唔多大定。不過，凡事都有例外，喺日本寫真界，就有位剛剛踏入40歲嘅天后級女優，話自己個胸仲喺度持續發育中，佢就係磯山沙也加！
脹咗挺咗
喺演藝圈入面，有唔少年過40歲但狀態Keep得好好嘅女星，論吸引力，一啲都唔輸畀啲後生女，好似寫真天后熊田曜子，結咗婚生埋小朋友，依然將自己操到弗一弗，之但係比較起嚟，磯山沙也加更厲害，家陣仲有本錢出寫真，真係唔到你唔服！
以親切見稱嘅沙也加，迎嚟40大關，但面上冇流露出絲毫老態，只係氣質帶幾分成熟韻味，每次出鏡都容光煥發。講到身材，沙也加屬於豐滿型，但又唔算肥，上圍仲好似比之前脹咗同挺咗，難怪佢會話自己對波好似持續發育緊。
茨城之寶
個樣睇落好後生嘅沙也加，查實喺寫真界發展超過20年，連寫真天后杉原杏璃同熊田曜子都要叫佢一聲師姐！憑住天使面孔同巨乳身材，佢好早喺寫真界成名，跟住殺入藝能界發展，拍過好多電視劇，亦主持過唔少綜藝節目，更因為本身受家族影響，自細就成為棒球迷，所以特別受棒球節目歡迎。
由於沙也加人氣勁，形象又夠健康正面，喺2006年獲家鄉茨城縣委任為茨城縣大使，直到依家，佢依然會拍片介紹家鄉有乜吃喝玩樂好去處，稱得上係茨城之寶。
磯山沙也加
年齡：40歲
身高：5呎2吋
三圍：35-24-34
社交網站
被封為「棒球狂偶像」嘅磯山沙也加，近期嘅工作量大增，事關佢早前推出紀念寫真集《and more》，所以要密密宣傳同舉行簽名會冧粉絲，登入其社交網就會知道最新動向。
撰文：賢
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
