有性趣：搵啱題材有銷路

不論係電影、電視劇要大收旺場，都需要好多條件配合，其中一個就係拍出啱觀眾口味嘅題材，而拍AV其實亦係一樣。咁咩題材先啱AV迷嘅口味呢？「夫之目前」？「NTR相部屋」？統統都唔係，最近喺AV銷量排行榜中有部甚少見到嘅題材作品成功突圍而出，就係《How To學園教科書》，由知名AV男優森林原人擔任講師，聯同巨乳輕熟女美丘美里演出，同大家分析一下男人嘅架生長與短，到底對於交歡時為女性帶來嘅快感有幾大分別，跟住仲會提供能夠令架生變大嘅方法，並搵來一位素人男優作測試。對於增大架生嘅方法，相信係男人都會好奇想知道，所以紛紛買嚟睇吓，故成為銷量排行榜冠軍！正如剛才所講，搵啱題材的確係相當重要，各家AV廠不妨效法一下，唔好成日將同一個系列拍完又拍喇！