有性趣：6個常犯安全套錯誤

英國近年性傳染病指數不斷上升，其中一個原因係唔少人錯誤使用安全套！早前就有關注安全性行為組織總結出6個常犯安全套錯誤，當中最常見嘅就係買錯尺寸，太鬆容易喺性愛進行中途和完事嘅時候鬆脫，太窄則難以拉上陰莖根部，喺摩擦時滑落；其次係唔少男士將安全套放喺銀包，被硬幣、雜物等摩擦而破壞品質；第三就係用牙齒撕開安全套包裝，有機會導致破損；第四係反轉戴安全套，增加脫落機會，亦有啲男士鍾意拉開安全套後再笠上兵器，於是搞錯正反面；第五係用錯油性潤滑劑，因為會削弱乳膠結構，進行活塞運動時令安全套容易破裂。不過講到最多人犯錯嘅就係第六點，冇留意安全套嘅使用期限，原來過期安全套會因乳膠老化而令保護力大減㗎！