有性趣：四仔片場未開拍先開餐？

屢次喺四仔頒獎禮攞獎嘅獨立製作室Sssh.com老闆兼總監Angie Rowntree，早排喺接受訪問時，提及四仔拍攝現場嘅實況，原來喺正式拍攝之前，所有幕前脫星同幕後工作人員會一齊着住衫聚餐，理由係唔想大家餓住做嘢，亦希望趁機畀大家交流一下，令拍攝流程更順暢。咪以為呢個聚餐只係過場，Angie Rowntree話，訂餐過程好講究，事前會問晒所有人嘅偏好，或者有冇食物過敏情況，準備好餐單，就會發送畀各人核實，一啲都唔求其。佢仲話好多行外人以為四仔係粗製濫造嘅產物，實情係業界對員工嘅待遇不斷提升，希望大家能正面看待呢個行業。