有性趣：首款石墨烯安全套

想安心咁享受性生活，最好有一「套」喺手，而為咗令更多人樂意使用，生產商好着緊點樣令袋袋變得更輕更薄。早排坊間出咗一款以石墨烯製成嘅安全套，聲稱擁有世界級薄度，仲話比同類產品更有彈性添！

石墨烯係科技產品經常用到嘅物料，攞嚟做安全套又得唔得？啱啱喺美國獲准推出市場嘅「ONE Flex」，係全球首款以石墨烯製成嘅安全套，聽講研究團隊用咗接近10年時間，成功搵到有效方法將石墨烯同天然乳膠分子進行黏合，生產出一款薄得嚟又比傳統超薄裝更具彈性嘅袋袋！查實喺過往有唔少人投訴話所謂超薄、極薄、激薄嘅安全套，彈性不足，而「ONE Flex」能解決呢個問題，令唔同尺寸嘅兵器都戴得舒適，亦無損其避孕同預防性傳染病嘅作用。