有性趣：脫星老婆談婚後生活

今年2月同澳洲著名男脫星Rob Bampton結婚嘅Katy Bampton，早前接受媒體訪問，談及身為脫星老婆嘅體驗，佢話當初喺朋友間酒吧邂逅Rob Bampton，嗰陣唔知對方拍四仔，仲要係人氣脫星，之後得悉對方因演出關係，每星期要同兩到三個女人曳曳，下意識覺得對方嘅私生活一定好混亂。不過，傾多幾次偈，Katy嘅睇法開始改變，覺得對方係一個好有紀律及體貼嘅人。性生活方面，Katy話丈夫為咗令自己放心，除咗定期進行性傳播感染檢查，曳曳時亦會做足安全措施。值得一提，自從做咗脫星老婆，Katy對性嘅態度開放咗好多，最近仲同丈夫合力製作成人影片，偶爾會邀請其他女人合演3P作品，有錢齊齊搵，聽聞月入最高可以超過7萬美元添！