有性趣：異性老友變炮友？

嚟自澳洲悉尼嘅39歲約會專家兼作家Jana Hocking，一直相信男女之間存在純友情，不過最近發生咗一件事，令佢開始對呢一點產生懷疑。話說早前佢接受雜誌訪問時，表示最近有位相識多年嘅男友老友，喺午餐時飲咗幾杯酒之後，突然問佢有冇興趣去爆房曳曳，仲話雖然知道彼此唔會做情侶拍拖，甚至結婚，但係做炮友卻未嘗不可。Jana坦言聞言後有啲嬲，因為對方覺得兩人冇進一步發展嘅機會，同埋冇諗過大家純粹係老友，竟然想同佢發生肉體關係。但諗深一層，卻覺得對方嘅坦白同誠實相當可貴，比一啲滿腦壞思想嘅朋友嚟得更真。至於男女之間能否有純友情，Jana笑稱睇嚟比佢預計中更難得。