有性趣：大兵器非優點

社交網擁有超過3萬粉絲嘅38歲澳洲約會專家Jana Hocking，早前喺網上進行調查，訪問男士對自己嘅兵器尺寸滿意度，結果有76%嘅受訪者都表示唔滿意。不過Jana卻認為男士希望擁有大兵器呢種諗法係大錯特錯，因為男士都忘記一個關鍵嘅問題，就係大兵器入洞之前，必須要用上大量潤滑劑才能成功闖關。除咗事前要做足工夫外，完事後亦要花時間清潔，試過有女士投訴用紙巾拭抹時，導致擦傷私處皮膚。而最令男士意想不到嘅，就係用上大量潤滑劑後，女伴好多時仍會感到不適，未能享受到高潮快感。因此Jana認為男士與其苦思點樣擁有巨型兵器，不如提升調情技巧好過。至於邊種尺寸最合女士要求？佢就話5至7吋便已足夠。