今夜一丁：Porntaprewee Sripreserth性感長氣袋

講到跑步嘅好處，有研究發現可以收身、減壓、強化心肺機能、促進食欲、加強消化功能、紓緩眼睛疲勞等等，但對Porntaprewee Sripreserth嚟講，可以幫到人先係佢戀上長跑嘅真正原因！呢位性感網紅嚟自泰國曼谷，喺2019年投身模特兒界，雖然本身好動，但一直鍾情於游水同打波，長跑並非佢嘅首選，後來為咗參加跑步籌款活動，佢好積極練習，本來只係諗住跑好啲，籌多啲錢，結果愛上呢項運動，喺活動完結後繼續鍛煉，家陣每隔兩個月就參加一次長跑比賽，名副其實變咗長跑迷。

查實Porntaprewee Sripreserth可以話係愛心爆棚，除咗參加跑步籌款活動，早排又為當地一啲因火災而失去家園嘅災民籌集重建資金，所以唔少網民都話佢係真女神。

講番阿妹嘅模特兒事業，可以話係相當順利，讀高中時期已開始做兼職，曾為飲品品牌拍攝平面廣告，正式出道後，多次獲雜誌社邀請拍寫真，令其性感形象更加廣為人知。另外，Porntaprewee Sripreserth同時下唔少模特兒一樣有喺網上經營社交平台，仲成日分享性感寫真，迷倒唔少網民，結果臉書粉絲有超過37萬，人氣真係超勁！

鍾意跑步又勤力健身，令Porntaprewee Sripreserth練出一副玲瓏浮凸嘅身材，登入佢嘅社交網，就可以慢慢欣賞。

網址：https://www.facebook.com/eyeye.shy

出生地：泰國曼谷

身高：168cm

三圍：34D-22-34

撰文：魂