有性趣：打工仔放自娛假咁爽?

對打工仔嚟講，病假、婚假、颱風假等就聽得多，咁「自娛假」又係咩嚟呢？而推出呢個古怪假期嘅外國公司，仲話令員工更有效提升生產力添！

呢個由英國情趣用品公司LELO推出嘅特別假期，員工每年可獲得最多4日嘅「自娛假」。據性學專家Kate Moyle解釋，佢哋嘅研究團隊總結現今嘅學術研究，及自家進行嘅一系列調查發現，幸福感係生產力嘅主要驅動力，而從大數據中發現最高可提升20%嘅生產力，而當中所謂幸福度，則同性快感息息相關，有見及此，佢哋便推出「自娛假」，讓員工盡情慰藉身心。咁有創意嘅假期推出，就有唔同團隊進行調查，睇吓英國打工仔認唔認同幸福嘅性快感，可以提升生產力，結果有75%嘅受訪者認同幸福度跟生產力有關，當中近一半認為性高潮後工作更有效率。不過LELO並冇補充，如果喺「自娛假」跟伴侶曳曳，咁算唔算違規呢？