有性趣：20年不洗鳥

包莖男士要特別注意清潔生殖器，但澳洲有位男士竟然係20幾年嚟都冇褪下包皮清洗過，導致下體藏污納垢，結果佢女友足足用咗3年時間先至能夠幫佢清潔乾淨！

咁聳人聽聞嘅故事，實在令人覺得驚訝，就連澳洲嘅網絡節目《The Off Hook Podcast》嘅兩位主持聽到呢位匿名澳洲女士述說呢件事時，都以為自己聽錯！該女士稱佢每星期都要為男友清潔包莖下嘅污垢，而清潔行動已經維持咗3年！主持人好奇問點解佢男友會20幾年都冇清潔過污垢？女士解釋因為男友從來唔覺得要褪下包皮嚟清潔兵器係必要，為此佢便請教醫生，以潤滑油加棉花棒幫男友進行清潔，結果一清便3年。事實上，包皮下嘅污垢會孳生細菌，並產生異味及泌尿道感染，所以男士們一定要徹底清潔乾淨呀！