今夜一丁：奈月紗奈 冠軍級Body

講起日本寫真界嘅「最強Body」，相信唔少人都會諗起近期推出全裸寫真嘅染谷有香，事關呢位姐姐仔妖艷迷人，唔止身高有成5呎9吋，仲擁有一對堅挺嘅G Cup美巨乳，加埋一個白滑桃子形美尻，可以話係難得一見嘅惹火尤物，所以被寫真迷公認為「靈長類最強Body」！至於現年27歲嘅奈月紗奈，身高5呎7吋，係就係冇有香咁高，但係近期積極操到弗一弗，肉地結實零贅肉，更神奇嘅係一對G奶完全冇縮水，令呢副高挑纖巧嘅胴體顯得更誘人！

據講紗奈本嚟諗住做護士，但喺機緣巧合之下，被雜誌中嘅模特兒硬照啟發，自覺有條件喺模特兒界搵食，於是由家鄉岐阜殺到東京，希望爭取多啲演出機會，仲參加咗國際小姐日本代表選拔賽添！雖然喺呢次大型選美中未能獲得評判青睞，但自從投身寫真界，即憑住絕頂靚偈吸引到大量觀眾支持，多次喺年度寫真偶像大獎中獲獎。早前，紗奈報名參加健美比賽「BEST BODY JAPAN」，並好努力健身，最終畀佢練出「最強Body」，成功贏得模特兒組冠軍！

奈月紗奈

年齡：27歲

身高：5呎7吋

三圍：35-23-34

社交網站

奈月紗奈喺最近推出全新寫真集，所以頻頻出席宣傳活動，登入佢嘅社交網，就可以見識吓佢嗰副冠軍級Body有幾弗。

網址：https://www.instagram.com/natsuki_sena/

撰文：賢