有性趣：熱門偷食城鎮

該網站嘅研究團隊，每年都會根據用戶反饋及大數據，按照該城鎮嘅偷情人數及次數除以城鎮人口，統計出英國各個城鎮嘅偷情情況。喺總結過去12個月數據後，團隊發現有個城鎮嘅偷情人數，比去年同期大幅上升，而佢就係偷情數字佔該城鎮總人口7.32%，同時亦係英國所有城鎮中，偷情男女最高城鎮，位於薩默塞特郡嘅弗羅姆！單喺過去12個月內，發生1,309次偷情事件，數字真係唔低！至於第二位，就係位於薩里郡嘅富人聚居城鎮威布里奇，偷情比率為5.95%。第三位為柴郡嘅富人城鎮威姆斯洛，佔全城鎮比例5.77%。當然有出軌城鎮，自然有忠誠城市，而佢就係位於泰恩-威爾郡嘅華盛頓，只發生296次偷情，並佔該城鎮人口比率0.54%。