昔日東方喜雙飛：仙氣女神鬥小妖精 魅惑對決
男人愛斯文靚女，卻又難以抗拒妖媚性感嘅女郎！今日就搵來兩位嚟自泰國嘅索女進行比併，一個係仙氣女神，另一個係火辣小妖精，唔知對你嚟講邊類型更加吸引呢？
氣質過人
斯文優雅又性感迷人，係唔少男士睇過Lemon Kanphitcha喺網絡社交平台上，所分享嘅寫真照後所畀嘅評價，而呢個評價喺你睇過佢嘅寫真後，相信亦會有同感。
出生於泰國曼谷嘅佢，唔單止擁有高挑嘅身材，迷人嘅雙峰及修長嘅美腿更係吸睛，配合仙氣十足嘅美貌及優雅嘅氣質，真係不愧為女神。不過Lemon稱細個時其實係百厭妹一名，只係隨住年齡增長慢慢變成斯文淑女，後嚟喺大學修讀航空商業管理學位，令佢更添一份秀外慧中嘅氣質，而畢業後佢便從事模特兒工作，2021年時呢位才女更開設公司做生意，實行模界、網紅界及商界三管齊下吸金。
Lemon Kanphitcha
年齡：25歲
身高：167cm
三圍：34D-23-34
挑起邪念
性感得嚟又充滿挑逗魅力嘅小妖精，對大部分男士嚟講都有種難以抗拒嘅吸引力，因此難怪Thararat Chalordet嘅網絡社交帳號會有如此高人氣。要知道，同樣出生於泰國曼谷嘅佢，唔單止長相迷人，玲瓏浮凸嘅身材更係誘人，加上所影嘅大尺度寫真，因而獲得小妖精嘅稱號。
其實佢喺模特兒界出道初期，拍攝嘅寫真都比較密實，係因為當時佢以萌味為賣點，若然太過性感嘅話，反而唔係咁配合形象。不過喺一次拍攝性感寫真後，便憑住火辣魅力一炮而紅，自此之後佢便由巨乳萌妹，搖身一變成為輕易挑起男士邪念嘅小妖精。
Thararat Chalordet
年齡：26歲
身高：163cm
三圍：33D-22-34
第1回合：鬥吸睛
氣質就好似鹹魚同青菜咁各有喜愛，但無論係仙氣女神又好，火辣小妖精又好，都要夠性感先至可以成功吸引男士嘅眼球。講到呢點，Lemon Kanphitcha嘅寫真性感度固然十足，但相對Thararat Chalordet嘅近乎極限級演繹，絕對係非常吸睛呀！
第2回合：鬥造型
影寫真唔止要性感，仲要造型多樣化，咁先至好睇。擁有火辣身材嘅Thararat Chalordet，其實只要露得夠多肉，便已足夠贏盡眼球，但係論造型多多嘅話，Lemon Kanphitcha則稍勝一籌，無論係比堅尼、傳統服飾或Cosplay造型都有，視覺效果更加吸引。
第3回合：鬥吸金
兩位索女同樣係模特兒兼網紅，各有其吸金手段，Thararat Chalordet唔止開設OnlyFans帳號，更夥拍幾位性感模特兒喺夜店出騷。Lemon Kanphitcha則經營網店外，更踩入廣告界拍廣告，同時為唔同商品做代言，吸金力同樣強勁。
Report：令人心動
喺網絡有相當高人氣嘅兩人，Lemon Kanphitcha嘅賣點係仙氣十足，以及令男士心動嘅女神形象，而Thararat Chalordet則憑住火辣妖媚嘅魅力，令男士為之心動。兩人嘅氣質雖然唔同，但同樣足以令男士流晒口水呀。
撰文：魂
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
